საფრანგეთში ბაკალავრის პირველ კურსზე ჩარიცხვა

ვის ეხება DAP ?

მათ, ვისაც სურთ უმაღლესი განათლების საფრანგეთში მიღება 2025 წლის სექტემბრიდან მას შემდეგ რაც მოიპოვებენ საშუალო განათლების სერტიფიკატს, ატესტატს, ან არიან დამამთავრებელი კლასის მოსწავლეები და ატესტატის მოპოვების პროცესში (ეროვნული გამოცდების ჩაბარება აუცილებელია), ამისათთვის აუცილებელია წინასწარი ჩარიცხვის პროცედურა (DAP), რომელზედაც რეგისტრაცია 2024 წლის 15 დეკემბრამდეა შესაძლებელი ელექტრონული ფორმით, პლატფორმის « Études en France »-ის საშუალებით. 

თუ ხართ ქართველი ან უცხოელი კანდიდატი, რომელიც რეგულარულად ცხოვრობს საქართველოს ტერიტორაიზე, უნდა დარეგისტრირდეთ ონლაინ პორტალზე და რეგისტრაცია გაიაროთ რუბრიკის  «Espace Campus France Géorgie» საშუალებით.

   

DAP-ს პროცედურა ეხება კანდიდატს, რომელიც :

 

•  კარგად ფლობს ფრანგულ ენას (მინიმუმი: B2, უნდა წარმოადგინოს  TCF DAP-ს ან DELF-ის სერტიფიკატი) ;
•  არ არის საფრანგეთის მოქალაქე ;
•  არ ცხოვრობს საფრანგეთის ტერიტორიაზე ;
•  უკვე მოიპოვა ან 2025 წელს მოიპოვებს საშუალო განათლების დამადასტურებელ დიპლომს, ატესტატს და გაივლის ეროვნულ გამოცდებს.

 

DAP პროცედურა, იგივე თეთრი დოსიე საშუალებას გაძლევთ მიუთითოთ თქვენთვის სასურველი 3 პროგრამა/ 3 უნივერსიტეტი და განსაზღვროთ რიგითობა პრიორიტეტის მიხედვით.

 

4 სურვილის მითითება შეგიძლიათ  BTS და BUT პროგრამებზე (2 წლიანი უმაღლესი პროფესიული განათლება,  ყოფილი - DUT).
2 სურვილის მითითება არის შესაძლებელი არქიტექტურის საბაკალავრო და სამაგისტრო პროგრამებზე.

უნივერსიტეტები ჩარიცხვის შესახებ პასუხს აცნობებენ კანდიდატებს არაუგვიანეს 2025 წლის 30 აპრილისა.

 

ყურადღება ! ზოგიერთი უნივერსიტეტი არ გახლავთ პლატფორმა EeF-ის  (Etudes en France) წევრი. 
იხილეთ აქ იმ უნივერსიტეტებისა და სხვა უმაღლესი საგანმანათლებლო დაწესებულებების ჩამონათვალი, სადაც ჩარიცხვა ახალი პლატფორმის « Etudes en France »-ის საშუალებით ხდება. თუ თქვენი სასურველი პროგრამა ან უმაღლესი დაწესებულება პორტალზე ვერ იპოვეთ, დაუკავშირდით მათ და დააზუსტეთ ჩარიცხვის პარალელური პროცედურა.                                         

 

ფრანგული ენის შეფასების ტესტი (TCF DAP) და ფრანგული ენის საერთაშორისო დიპლომი (DELF)

ფრანგული ენის ცოდნის დამადასტურებელი სერტიფიკატი უნდა დაურთოთ დოსიეს (მინიმუმ : DELF B2 ან DALF C1).

საქართველოს ფრანგული ინსტიტუტი გთავაზობთ ენის სასერტიფიკაციო გამოცდებს.