კალენდარი

ღონისძიების « Goût de France 2018 » აღნიშვნაში მონაწილეობის მისაღებად, საქართველოში საფრანგეთის საელჩოს მიერ შერჩეული ქართველი შეფ-მზარეულებისთვის მიცემული მისიის არსი კრეატიულობა და პროფესიული უნარ-ჩვევები იყო. მათი ამოცანა ისეთი მენიუს მოფიქრება იყო, რომელიც პატივს მიაგებს ფრანგულ კულინარიულ ტრადიციას : წმინდად ფრანგული მენიუ ან ფრანგული და ქართული კულინარიული ტრადიციების შერწყმა. თორმეტივე მონაწილე რესტორანმა « ფრანგების გასტრონომიული ვახშმის » ბრწყინვალე ხელახალი ინტერპრეტაცია შემოგვთავაზა.

ასე რომ, 21 მარტის საღამოს, ზუსტად ერთი თვის შემდეგ, საფრანგეთის საელჩო საქართველოში გიწვევთ, გაეცნოთ შერჩეული რესტორნების შეფ-მზარეულების « Goût de France » შემოთავაზებას,

თბილისში :

• « ლე მარე »
  
• « ლიტერა »
• « ქიჩენი »
• « მეტისი »
• « ტარტინი »
• « პურ პური »
• « კაფე მუზეუმი »
• « ლა ბოემი »
• « ბარბარესთან »

ბათუმში :

• « 360 სქაი ბარი & რესტორანი » სასტუმრო « შერატონში »
• « პელიონი » სასტუმრო « ჰილტონში »

ვინაიდან წლევანდელ ღონისძიებას ღვინისა და ალკოჰოლური სასმელების შტრიხი ექნება, მონაწილე რესტორნებმა ყურადღება კერძებისა და ღვინის შეხამებაზე გაამახვილეს, მრავალი მათგანი ფრანგულ ღვინოს შემოგთავაზებთ.

რესტორნების დაჯავშნა შესაძლებელი და რეკომენდებულია დღეიდანვე.

რესტორანი “ანდროპოვის ყურები” (რედისონი), 20 მარტს, « ფრანგების გასტრონომიული ვახშმის » საპატივცემულო ღონისძიებას უმასპინძლებს. იხილეთ ოფიციალური ვებ-გვერდი.

დამატებითი ინფორმაციისთვის ეწვიეთ საქართველოში საფრანგეთის საელჩოს ვებ-გვერდს და ფეისბუკის გვერდს, რომლებიც შემოგთავაზებთ რამდენიმე ინტერვიუს შერჩეულ შეფებთან ; ან « Goût de France / Good France »-ის ოფიციალურ ვებ-გევრდს.