კალენდარი

24 სექტემბერი კვირა

CinéDoc ფესტივალი

საქართველოს ფრანგული ინსტიტუტი, თიბისი ბანკთან ერთად, ფესტივალის CinéDoc Tbilisi 2023 პარტნიორია, რომელიც წელს 2023 წლის 17 სექტემბრიდან 24 სექტემბრამდე ქ. ბათუმში გაიმართება. წელს, ფესტივალზე განსაკუთრებული ყურადღება განათლებას ეთმობა. ფესტივალის ფარგლებში ჩატარდება მნიშვნელოვანი ვორქშოფი კინორეჟისორებისთვის საქართველოდან, სომხეთიდან და აზერბაიჯანიდან თემაზე „ როგორ შევქმნათ და განვავითაროთ დოკუმენტური ფილმები ბავშვებისა და მოზარდებისთვის“.

ვორკშოფს ჩაატარებენ ფრანგი პროფესიონალები ვიქტორ ედე და მარიონ ჩარნი.

ვიქტორ ედე გამომცემელი, მთავარი რედაქტორი და პროდიუსერია. 2014 წლიდან ის თანამშრომლობს საპროდიუსერო კომპანია Cinephage-თან, რომელიც რეჟისორ Jean-Robert Viallet-თან ერთად დააფუძნა. ვიქტორის ფილმების კო-პროდიუსერები არიან ARTE, France Televisions საფრანგეთში და ისეთი საერთაშორისო სამაუწყებლო კომპანიები თუ პლატფორმები როგორებიცაა RTBF-ი, RTS-ი და HBO Max-ი. იგი ამჟამად Cinemas du Monde commission (CNC) - ის წარმომადგენელია.

მარიონ ჩარნი საფრანგეთის ერთ -ერთი წამყვანი ფესტივალის FIPADOC Biarritz-ის პროგრამერი და კინოჩვენებების მენეჯერი გახლავთ. FIPADOC-ის CAMPUS-ის ხელმძღვანელი, ის პასუხისმგებელია ახალგაზრდა აუდიტორიისთვის, სტუდენტებისა და დამწყები რეჟისორებისთვის განკუთვნილ სარედაქციო პოლიტიკაზე. ხელმძღვანელობს სხვადასხვა საგანმანათლებლო და სასწავლო პროგრამებს, როგორებიცაა „ახალგაზრდა ევროპელი ჟიური“ ან „პირველი ფილმების პიჩი“, ასევე კურირებს ფესტივალის ახალი ტალანტების - New Talent-ის- სელექციას.

ფილმების ჩვენების განრიგისა და მეტი ინფორმაციისთვის იხილეთ ფესტივალის პროგრამა : https://shorturl.at/bmoHV