კალენდარი
ფრანგული ინსტიტუტის მედიათეკა | 2019-03-22 18სთ
საგამომცემლო დახმარების პროგრამის ახალი თარგმანის პრეზენტაცია
საქართველოს ფრანგული ინსტიტუტის მედიათეკა
წარმოგიდგენთ
მერაბ მამარდაშვილის სახელობის საგამომცემლო დახმარების პროგრამით
გამოცემულ ახალ თარგმანს
ჟულიენ გრაკის "ქალაქის ფორმა"
პარასკევს 22 მარტს 18სთ-ზე
წიგნი გამოიცა საქართველოს ფრანგული ინსტიტუტის, პარიზის ფრანგული ინსტიტუტის,
თბილისის მერიისა და ნანტის მერიის მხარდაჭერით
ნანტი-თბილისის დაძმობილების ორმოც წლისთავთან დაკავშირებით.
მთარგმნელი ლალი უნაფქოშვილი, გამომცემლობა აგორა.
ფრანგი მწერალი, ჟულიენ გრაკი, რომლის ნამდვილი სახელია და გვარია, ლუი პუარიე, დაიბადა 1910 წელს შეძლებული კომერსანტების ოჯახში, მდინარე ლუარის ნაპირებზე განლაგებულ პატარა ქალაქ სენ ფლორან-ლე-ვიეიში. მან ძალიან პატარამ აღმოაჩინა წიგნის კითხვით მიღებული სიამოვნება. ეკოლ ნორმალ სუპერიერის დასრულების შემდეგ, ისტორიისა და გეოგრაფიის პროფესორი, ჟულიენ გრაკი, არაერთ დაწესებულებაში ასწავლიდა. ამავდროულად, აგრძელებდა ლიტერატურულ მოღვაწეობასაც და პედაგოგისა და მწერლის ფუნქციის გასამიჯნად, ფსევდონიმით აქვეყნებდა ნაწარმოებებს. 1951 წელს, მის რომანს ’’სირტის ნაპირები’’ გონკურის პრემია მიენიჭა, მაგრამ მან უარი განაცხადა პრემიის მიღებაზე და ნაწილობრივ, ამ მოულოდნელი ნაბიჯის წყალობით გახდა ცნობილი.
ყველასგან გამორჩეული მწერალი, ჟულიენ გრაკი, თითქოს არასოდეს იყო თავისი ეპოქის მიმდევარი. მას ლიტერატურული წრეებისგან თავი შორს ეჭირა და თავისი ცხოვრების ძირითადი ნაწილი კლოდ ბერნარის ლიცეუმში გეოგრაფიას ასწავლიდა.
ჟულიენ გრაკი გარდაიცვალა 2007 წელს, 97 წლის ასაკში. მემკვიდრეობად კი დატოვა 29 ნაწარმოები: პოემები, რომანები, პიესები და ესეები.
ეკოლ ნორმალის კურსდამთავრებულის, ჟულიან გრაკის ნაწარმოებები, მის სიცოცხლეშივე გამოიცა გამომცემლობა გალიმარის პრესტიჟული კოლექციის ’’ლა ბიბლიოტეკ დე ლა პლეიადის’’ სერიით. მისი ნაშრომები თარგმნილია ოცდაათ ენაზე, არის მრავალი დისერტაციის და კოლოქვიუმის შესწავლის თემა, ავტორი მუდმივად იყო შემკული უდუმალი მწერლის შარავანდედით.
1985 წელს, 73 წლის ჟულკიენ გრაკმა, გამოაქვეყნა წიგნი ’’ქალაქის ფორმა’’, რომელშიც ის ჰყვება ქალაქ ნანტზე, სადაც მწერალმა კლემანსოს ლიციუმში სწავლის რამდენიმე წელი გაატარა. წიგნის სათაური აღებულია შარლ ბოდლერის ლექსიდან ’’გედი’’.
ნაწარმოებში დეტალურადაა აღწერილი წარსული მოგონებები, ავტორი მკითხველს ქალაქ ნანტის სიღრმეებში ახედებს და მის ქუჩებში, მოედნებსა და უბნებში ამოგზაურებს.
მწერალი თავის მიერ დანახულ ნანტზე გვიყვება და მასთან ერთად გვასეირნებს ქალაქის ქუჩებში ისე, რომ ქალაქის გეგმის გაკეთებასაც კი შევძლებთ. ასე რომ, გავეშუროთ ნანტის გასაცნობად...