კალენდარი

ქართველი ექიმი, პოეტი და მწერალი, ლელა გაბური დაიბადა 1967 წლის 8 მარტს.

ლელა გაბური 1998 წლის საქართველოს მწერალთა კავშირის ლიტერატურული პრემიის ლაურეატია. მას გამოქვეყნებული აქვს სამეცნიერო ნაშრომები ფოლკლორული მედიცინისა და რელიგიის ისტორიის საკითხებზე. მისი ლექსები თარგმნილია რუსულ და ფრანგულ ენებზე.

ლელა გაბური 8 წელია თბილისიდან საცხოვრებლად გადავიდა მშობლიურ კუთხეში — ხევსურეთში. სადაც დააარსა საზოგადოება  ,,ხევსური ქალები ჯანსაღი მომავლისათვის». მან არაერთი პროექტი განახორციელა ხევსური ახალგზრდებისთვის.

2016 წელს გამოიცა ლელა გაბურის ფრანგულენოვანი პოეტური კრებული ,,აი, იმ გზამდი...» ( « Voilà, jusqu’à ce chemin… »), რომლის პირველი პრეზენტაცია გაიმართა საფრანგეთში, ქალაქ ნიცაში. თარგმანი შესრულებულია - სალომე ორდანიანცის მიერ, წიგნის რედაქტორია -  გიორგი ეკიზაშვილი.