კალენდარი

ფრანკოფონია 2026-ის ფარგლებში, ფრანგული რენესანსის დელეგაცია საქართველოში, თბილისის ილია ჭავჭავაძის სახელობის N23-ე საჯარო სკოლასთან და საქართველოს ფრანგულ ინსტიტუტთან პარტნიორობით, იწვევს საქართველოს ფრანგულენოვან სკოლებს ლიტერატურულ-კულტურულ ღონისძიებაზე „იყო და არა იყო რა, იყო ერთი პატარა პრინცი...“, რომელიც ეძღვნება ანტუან დე სენტ-ეგზიუპერის „პატარა პრინცის“ გამოცემის 80 წლის იუბილეს.

ღონისძიება აერთიანებს სამი მწერლის სამი ნაწარმოების კულტურულ სივრცეს: ანტუან დე სენტ-ეგზიუპერის „პატარა უფლისწული“, იაელ ჰასანის „მომო, პატარა უფლისწული ღიღილოების ქალაქიდან“ და არჩილ სულაკაურის „სალამურა“.

სამივე ნაწარმოების გამაერთიანებელი ღერძი არის ბავშვი, როგორც მთავარი პერსონაჟი – ბავშვი, რომელიც სამყაროს ხედავს სიწრფელით, თავისუფლებითა და ღირებულებითი სიღრმით. ეს ლიტერატურული დიალოგი აერთიანებს ფრანგულ და ქართულ კულტურულ სივრცეებს და ქმნის საერთო ჰუმანისტურ პლატფორმას.