🇫🇷🎥 ამ ზაფხულს, 4 ივნისიდან 30 ივლისის ჩათვლით, ფრანგული კინოს საზაფხულო საღამოები ღია ცის ქვეშ უკვე მესამედ ბრუნდება!
საქართველოს ფრანგული ინსტიტუტი გიწვევთ კინოჩვენებებზე თბილისის შუაგულში, ღია ცის ქვეშ და რაც მთავარია, დასწრება თავისუფალია.
ფესტივალის მიზანია ფრანგული კინემატოგრაფიის სიმდიდრის წარმოჩენა და მისი ხელმისაწვდომობის უზრუნველყოფა ყველა მსურველისთვის. პროგრამა მოიცავს როგორც თანამედროვე, ისე კლასიკურ ნამუშევრებს, ანიმაციურ ფილმებს, დრამებსა და კომედიებს, სხვადასხვა ასაკისა და გემოვნების მაყურებლისთვის.
გელით ყოველ ხუთშაბათს საფრანგეთის საელჩოს ტერიტორიაზე (ქ. თბილისი, ხაზინის ქ. 4), ლოკაცია : https://shorturl.at/evgZk.
პროგრამაშია:
🎬 ფესტივალის გახსნა : ხუთშაბათი, 4 ივნისი, 20სთ30: « უცხო » – ფრანსუა ოზონის ფილმი, 2025წ. ფილმი ნაჩვენები იქნება ფრანგულად, ქართული სუბტიტრებით.
ხანგრძლივობა : 2სთ03წთ
🔞 რეკომენდებული მინიმალური ასაკი: 12 წლიდან
სინოფსისი:
ალჟირი, 1938 წელი. მერსო, ოცდაათიოდე წლის მოკრძალებული თანამშრომელი, დედის დაკრძალვას ყოველგვარი ემოციის გარეშე ესწრება. მომდევნო დღეს ის თავის კოლეგასთან, მარისთან, იწყებს ურთიერთობას, რის შემდეგაც ჩვეულებრივ ყოველდღიურობას უბრუნდება. თუმცა, მისი მეზობელი, რაიმონ სინტესი, სიმშვიდეს ურღვევს და საეჭვო ისტორიებში ითრევს, რაც საბოლოოდ პლაჟზე, მცხუნვარე მზის ქვეშ დატრიალებული დრამით სრულდება…
ტრეილერი:
https://www.youtube.com/watch?v=n06tkkuAUfc
🎬 ხუთშაბათი, 11 ივნისი, 20სთ30: „ღმერთო ჩემო“ – ლუიზ კურვუაზიეს ფილმი, 2024წ. ფილმი ნაჩვენები იქნება ფრანგულად, ქართული სუბტიტრებით.
ხანგრძლივობა : 1სთ30წთ
🔞 რეკომენდებული მინიმალური ასაკი: 14 წლიდან
სინოფსისი:
18 წლის ტოტონი ჟურას რეგიონში, დროს ძირითადად ლუდის სმასა და მეგობრებთან ერთად წვეულებებში ატარებს. მოულოდნელად, მისი რეალობა იცვლება: ტოტონი იძულებულია თავის 7 წლის დაზე იზრუნოს და საარსებო წყარო იპოვოს. იგი გადაწყვეტს, რეგიონში საუკეთესო კონტეს ყველი დაამზადოს, რათა სასოფლო-სამეურნეო კონკურსზე ოქროს მედალი და 30 000 ევრო მოიპოვოს.
ტრეილერი:
https://www.youtube.com/watch?v=tggj33kAD9Q
🎬 ხუთშაბათი, 18 ივნისი, 20სთ30: « სეზარი და როზალი » – კლოდ სოტეს ფილმი, 1972წ. ფილმი ნაჩვენები იქნება ფრანგულად, ქართული სუბტიტრებით.
ხანგრძლივობა : 1სთ50წთ
🔞 რეკომენდებული მინიმალური ასაკი: 10 წლიდან
სინოფსისი:
სასიყვარულო სამკუთხედსა და მოულოდნელი მეგობრობის ისტორია. სეზარს უყვარს როზალი. ის თავდაჯერებული, ენერგიული მამაკაცია, რომელიც ჯართის ბიზნესს მართავს. როზალი, რომელიც მის ოჯახთან ძალიან ახლოსაა, ცხოვრებას სეზარს უკავშირებს. მათ ცხოვრებაში ჩნდება დავიდი, ხელოვანი, როზალის ყოფილი საყვარელი. ორი მამაკაცი, ერთი ქალის გამო ერთმანეთს უპირისპირდება, თუმცა საბოლოოდ მეგობრები ხდებიან…
ტრეილერი:
https://www.youtube.com/watch?v=93Tnzv8ZwZY
🎬 ხუთშაბათი, 25 ივნისი, 20სთ30: « ჩემი მარჩელო » – კრისტოფ ონორეს ფილმი, 2024წ. ფილმი ნაჩვენები იქნება ორიგინალ ენაზე, ქართული სუბტიტრებით. ჩვენება გაიმართება საქართველოში იტალიის საელჩოსთან პარტნიორობით.
ხანგრძლივობა : 2სთ10წთ
🔞 რეკომენდებული მინიმალური ასაკი: 12 წლიდან
სინოფსისი:
კიარა მასტროიანი, რომლის ცხოვრებაც მამის ლეგენდით არის გარემოცული, მის გაცოცხლებას საკუთარი თავის მეშვეობით გადაწყვეტს. კიარა თავს მარჩელოს უწოდებს, მამასავით იცვამს და მოითხოვს, რომ ამიერიდან მსახიობ მამაკაცად აღიქვან. ირგვლივ ყველას ეს მხოლოდ ხანმოკლე ხუმრობა ჰგონია, თუმცა კიარა მზად არის, ბოლომდე დაიცვას თავისი ახალი იდენტობა…
ტრეილერი:
https://www.youtube.com/watch?v=rRhErWhKluE
🎬 ხუთშაბათი, 2 ივლისი, 20სთ30: « ფარაონი, ველური და პრინცესა » – მიშელ ოსელოს ანიმაციური ფილმი, 2022წ. ფილმი ნაჩვენები იქნება ფრანგულად, ქართული სუბტიტრებით.
ხანგრძლივობა : 1სთ23წთ
🔞 რეკომენდებული მინიმალური ასაკი: 6 წლიდან
სინოფსისი:
სამი ზღაპარი, სამი ეპოქა, სამი სამყარო: ძველი ეგვიპტის ეპოსი, ოვერნის შუა საუკუნეების ლეგენდა და XVIII საუკუნის ფანტაზია ოსმალური სამოსითა და თურქული სასახლეებით. ეს არის მოგზაურობა კონტრასტულ სიზმრებში, სადაც ერთმანეთს ენაცვლებიან სამყაროს დიდებული ღმერთები, სასტიკი ტირანები, სამართლიანობის მაძიებლები, გონიერი მიჯნურები და თავნება უფლისწულები. ფერების ნამდვილი დღესასწაული და დაუვიწყარი თავგადასავალი.
ტრეილერი :
🎬 ხუთშაბათი, 9 ივლისი, 20სთ30: « სარა ბერნარი: ღვთაებრივი » – გიომ ნიკლუს ფილმი, 2024. ფილმი ნაჩვენები იქნება ფრანგულად, ქართული სუბტიტრებით.
ხანგრძლივობა : 1სთ38წთ
🔞 რეკომენდებული მინიმალური ასაკი: 14 წლიდან
სინოფსისი:
პარიზი, 1896 წელი. სარა ბერნარი დიდების მწვერვალზეა. თავისი ეპოქის სიმბოლო და პირველი მსოფლიო ვარსკვლავი. ის, ამავდროულად, თავისუფალი და თანამედროვე ქალია, რომელიც თამამად უპირისპირდება საზოგადოებაში დამკვიდრებულ წესებს. აღმოაჩინეთ ქალი ლეგენდის მიღმა.
ტრეილერი:
https://www.youtube.com/watch?v=3a0Fk2Al7lE
🎬 ხუთშაბათი, 16 ივლისი, 20სთ30: « მოჰიკანი » – ფრედერიკ ფარუჩის ფილმი, 2024წ. ფილმი ნაჩვენები იქნება ფრანგულად, ქართული სუბტიტრებით (1:27სთ).
ხანგრძლივობა : 1სთ27წთ
🔞 რეკომენდებული მინიმალური ასაკი: 12 წლიდან
სინოფსისი:
შუაგულ ზაფხულში კორსიკის სანაპიროს ერთ-ერთი უკანასკნელი მწყემსი ჟოზეფი მოულოდნელი საფრთხის წინაშე დგება, რადგან მისი მიწით მაფიოზური დაჯგუფება ინტერესდება. ჟოზეფი დათმობაზე უარს ამბობს და მის დასაშინებლად მოსულ ადამიანს შემთხვევით კლავს, რის შემდეგაც ის იძულებულია გაიქცეს. ჟოზეფი დაუნდობელი დევნის სამიზნედ იქცევა, მისი დისშვილი ვანინა კი ბიძის ამბავს მთელ კორსიკაზე ავრცელებს და მას შეუპოვარი წინააღმდეგობის ნამდვილ სიმბოლოდ აქცევს.
ტრეილერი:
https://www.youtube.com/watch?v=pp8mYqhYMOw
🎬 ხუთშაბათი, 23 ივლისი, 20სთ30 : « თავზეხელაღებულთა ხეობა » – გზავიე ბოვუას ფილმი, 2024 წელი, ფილმი ნაჩვენები იქნება ფრანგულად, ქართული სუბტიტრებით.
ხანგრძლივობა : 2სთ
🔞 რეკომენდებული მინიმალური ასაკი: 10 წლიდან
სინოფსისი:
ნაოსნობით გატაცებული ჟან-პოლი რთულ პერიოდს გადის. ის ვალებში ეფლობა და თანდათან საკუთარ ოჯახს შორდება. ცხოვრების შესაცვლელად ის უჩვეულო ნაბიჯს გადადგამს და ვირტუალურ რბოლაში ერთვება. ნამდვილი კაპიტნის გამოცდილების მისაღებად ჟან-პოლი სამი თვით საკუთარ ბაღში მდგარ ნავში განმარტოვდება. ეს მოგზაურობა მისთვის საკუთარ თავთან დაბრუნებისა და ოჯახთან დაკარგული კავშირის აღდგენის უნიკალურ შესაძლებლობად იქცევა.
ტრეილერი:
https://www.youtube.com/watch?v=0G_PlAJhYb8
🎬 ხუთშაბათი, 30 ივლისი, 20სთ30 : « გუნდის მომღერლები » – კრისტოფ ბარატიეს ფილმი, 2004 წელი, ფილმი ნაჩვენები იქნება ფრანგულად, ქართული სუბტიტრებით.
ხანგრძლივობა : 1სთ34წთ
🔞 რეკომენდებული მინიმალური ასაკი: 8 წლიდან
სინოფსისი:
1949 წელი. უმუშევარი მუსიკის მასწავლებელი, კლემან მატიე, რთული ქცევის მოზარდთა პანსიონში აღმზრდელად ინიშნება. დირექტორი რაშენის მკაცრი და რეპრესიული მეთოდები ვერ უზრუნველყოფს მოსწავლეებზე ავტორიტეტის შენარჩუნებას. თუმცა, როდესაც მატიე აღსაზრდელებს სიმღერის ჯადოსნურ სამყაროს აზიარებს, მათი ცხოვრება სრულიად იცვლება…
ტრეილერი:
https://www.youtube.com/watch?v=qhYtVMoWFNQ
📍 საფრანგეთის საელჩოს ტერიტორია – ხაზინის ქ. 4, ლოკაცია : https://shorturl.at/evgZk. დასწრება თავისუფალია.
მოიმარაგეთ პლედები, პიკნიკის კალათები და შემოგვიერთდით თბილისის შუა გულში, ღია ცის ქვეშ, ფრანგული კინოს საუკუთესო ნამუშევრების სანახავად! ✨🌌