სხვადასხვა ინსტრუმენტი დაგეხმარებათ შეარჩიოთ ისეთი სასწავლო პროგრამა, რომელიც შეესაბამება თქვენს საფეხურსა და სწავლის სფეროს საფრანგეთის უმაღლეს განათლებაში, მათ შორის Campus France-ის ონლაინ კატალოგები.
საბაკალავრო პროგრამები (BAC+1, BAC+2, BAC+3)
საფრანგეთში Licence არის ბაკალავრიატის საუნივერსიტეტო ხარისხი (Bac +3). სწავლა გრძელდება სამი წელი, მოიცავს 180 ECTS კრედიტს და იძლევა მაგისტრატურაში სწავლის გაგრძელების შესაძლებლობას. საერთაშორისო სტუდენტებმა, მათ შორის საქართველოდან, საფრანგეთის უნივერსიტეტში Licence 1-ზე მოსახვედრად უნდა გაიარონ DAP (Demande d’Admission Préalable) პროცედურა.
იხილეთ ბაკალავრიატის პროგრამების კატალოგი: https://cataloguelm.campusfrance.org/licence/#/catalog.
სამაგისტრო პროგრამები (BAC+4, BAC+5)
მაგისტრატურის პროგრამები (BAC+4, BAC+5) სტუდენტებს საშუალებას აძლევს, მოიპოვონ მაგისტრის აკადემიური ხარისხი, რომელის მიღებაც შესაძლებელია 3 აკადემიური წლის შემდეგ (Bac+3). საფრანგეთში სამაგისტრო საფეხური წარმოადგენს ორ აკადემიურ სასწავლო წელს, რომელიც დადასტურებულია 120 (ECTS) სასწავლო კრედიტით.
წინარე აკადემიური გამოცდილებიდან გამომდინარე, უცხოელ სტუდენტებს შეუძლიათ პირდაპირ ჩაირიცხონ სამაგისტრო პროგრამებზე ერთი ან ორი წლის განმავლობაში სპეციალიზაციის მისაღებად.
სპეციალიზებული სამაგისტრო ხარისხები (დამოწმებული Conférence des Grandes Écoles-ის მიერ) და MBA (ბიზნეს ადმინისტრირების მაგისტრი) შეესაბამება პოსტ-მაგისტრატურის სპეციალიზაციის დამატებით წელს, ანუ სწავლების მეექვსე წელს.
იხილეთ სამაგისტრო პროგრამების კატალოგი: https://cataloguelm.campusfrance.org/master/#/catalog?lang=fr
ინგლისურენოვანი სასწავლო პროგრამები საფრანგეთში
გსურთ დაიწყოთ ან გააგრძელოთ სწავლა ინგლისურ ენაზე საფრანგეთის უმაღლეს საგანმანათლებლო დაწესებულებაში?
იხილეთ „Choose France“-ის კატალოგი Programs Taught in English და აღმოაჩინეთ 1600-ზე მეტი მოკლე და გრძელვადიანი სასწავლო პროგრამა: https://taughtie.campusfrance.org/tiesearch/#/catalog
სახელოვნებო და არქიტექტურის სასწავლო პროგრამები
CampusArt არის სტუდენტთა მიღების ონლაინ პროგრამა, რომელიც 2005 წელს ევროპისა და საგარეო საქმეთა, უმაღლესი განათლებისა და კულტურის სამინისტროების პარტნიორობით შეიქმნა. ის საერთაშორისო სტუდენტებს საშუალებას აძლევს, განაცხადი შეიტანონ ხელოვნების, დიზაინის, მოდის, მუსიკისა და არქიტექტურის სხვადასხვა პროგრამაზე.
თუ გსურთ ხელოვნების ან არქიტექტურის მიმართულებით სწავლა, შეგიძლიათ იხილოთ CampusArt-ის კატალოგი: https://www.campusart.org/
შენიშვნა
2020 სასწავლო წლიდან, არაევროპელმა სტუდენტებმა, რომლებიც პირველად ჩაირიცხებიან საფრანგეთის სახელმწიფო უნივერსიტეტში, უნდა გადაიხადონ რეგისტრაციის საფასური 2 850€ საბაკალავრო, ხოლო 3,879€ სამაგისტრო საფეხურზე.
რეგისტრაციის საფასურის გადახდა არ ეხება სადოქტორო საფეხურის სტუდენტებს.